Þau tíðindi gerðust í september síðastliðnum að annar
stofnaðili Skrifstofuþjónustu Austurlands, endurskoðunarfyrirtækið KPMG, seldi
hlut sinn í félaginu. Þrír meðeigendur nýttu forkaupsrétt sinn en
eftirstöðvarnar keypti Á.S. bókhald ehf. á Reyðarfirði.

Er forsvarsmönnum KPMG þakkað ágætt samstarf við uppbyggingu
SKRA um leið og við bjóðum þau Sigurbjörgu og Ásmund, eigendur Á.S. bókhalds
velkomin í hluthafahópinn. Samstarfssamningur er enn í gildi við KPMG og er
stefnt að því að í framtíðinni tengist fyrirtækin gegnum húsnæði eða á annan
hátt.

Eftir þessi eigendaskipti skiptist eignarhald
Skrifstofuþjónustu Austurlands þannig:
Snotra ehf. (Sigurjón Bjarnason) 40%
Á.S. bókhald ehf. 25%.
Björn Aðalsteinsson Borgarfirði 15%
Margrét Vera Knútsdóttir Seyðisfirði 10%
Sigrún Ingadóttir Egilsstöðum 10%

Starfsstöðvarnar eru áfram fjórar:
Fagradalsbraut 11 Egilsstöðum.
Heiðmörk Borgarfirði eystra.
Hafnargata 28 Seyðisfirði.
Austurvegur 20 Reyðarfirði

Þegar öllum skattavertíðum er lokið, síðasti kærufrestur
runninn út og líður að áramótum er gott að líta til árangurs ársins. Þá er
dregin saman reynsla af liðinni tíð og reynt að spá í framhaldið. Fyrst ber að
þakka tryggð viðskiptavina, sem hafa notið þjónustu okkar og hefur samstarf við
þá gengið með afbrigðum vel.

Við höfum í ár gert ársreikninga og skattframtöl fyrir um
það bil 90 skattskyld félög, og framtöl höfum við gert fyrir ca 230
einstaklinga þar af 76 með rekstur. Þetta er svipað magn og á fyrra ári, því að
þó að nokkrir viðskiptavinir hafi bæst við hafa nokkur félög lagt niður
rekstur, flest vegna rekstrarerfiðleika eða samruna. Viðskiptin hafa því verið
í nokkru jafnvægi þetta árið. Alls hafa um 340 félög og einstaklingar notið
margvíslegrar þjónustu okkar á árinu og eru þá óskattskyldir aðilar taldir með.

Starfsfólk Skrifstofuþjónustu Austurlands hélt árshátíð sína helgina 19-20. nóvember.

Í ár var notið gestrisni Skálanesbænda, Rannveigar Þórhallsdóttur og Ólafs Péturssonar og notið góðra heimafenginna veitinga. Skroppið var í heita pottinn fyrir kvöldmatinn. Þar áður litið undir Skálanesbjargið þar sam fuglinn ýmist kúrði á sillum eða sat á sjónum.

Stjörnubjartur himinn vakti hrifningu gesta eftir kvöldmatinn og að lokum var setið og spjallað fram yfir miðnætti og flutti Ólafur Skálanesbóndi meðal annars ýmsan fróðleik um Skálanes að fornu og nýju.