SKRIFSTOFUÞJÓNUSTA AUSTURLANDS
Skrifstofuþjónusta Austurlands

Kór Egilsstaðakirkju - raunverulegir eigendur

Hinn raunverulegi eigandi kórs Egilsstaðakirkju

Reynslusaga

Nú hefur undirritaður afrekað skráningu á tangarhaldi sínu á Kór Egilsstaðakirkju. Ætlaði að skrá mig sem 100% eiganda þar sem hagsmunir eru verulegir, en hafði óvart skilgreint kompaníið áður með dreift eignarhald, svo það gekk ekki. Varð því að láta í minni pokann skráði 20% (er einn af fimm í stjórn) Verð líklega í framhaldinu að beina því til meðstjórnarfólks að skrá sín 20%.

Ekki ber samt á öðru en að ríkisskattstjóri (fyrirtækjaskrá) sé saddur og sæll með fengna tilkynningu, þrátt fyrir að aðrir stjórnarmenn hafi að mínu viti látið undir höfuð leggjast að telja sér til eignar hin 4*20 prósentin, allavega sé ég ekki annað á mínum aðgangi að þessu virðulega félagi.  

Nú er ég tengdur allmörgum hliðstæðum samtökum, en óvíst að ég geri frekari tilraunir á þessu sviði uns ég skynja refsivönd laganna nálgast mig með óvéfengjanlegum hætti.

Annað mál:

Skæðar tungur herma að ekki þurfi langt að leita upplýsinga um það hverjir séu raunverulegir eigendur að stærstum hluta atvinnulífs á Íslandi. Um er að ræða tiltölulega fáar fjölskyldur og eignarhaldið byggist á aðild einstaklinganna á félögum með lögheimili erlendis, svo sem á Kýpur, Bresku jómfrúreyjum, Guernsay og víðar. Ekki er vitað hvort „fjölskyldurnar fjórtán“ bregðist við ákalli íslenskra stjórnvalda um skráningu á tengslum sínum inn í atvinnulíf.

En það er önnur saga.

Sigurjón Bjarnason

HAFÐU SAMBAND

Ertu með spurningar eða verkefni sem þarfa að leysa?
Hafðu þá samband við okkur og við aðstoðum þig við að greiða úr vandanum.

Hafa samband

Skrifstofuþjónusta Austurlands ehf | Fagradalsbraut 11 | 700 Egilsstaðir | S: 471 1171 | This email address is being protected from spambots. You need JavaScript enabled to view it. | kt: 671005-0740 | vsk nr: 88335

PES | Vefum & hönnum